ഏതാണ്ട് 44 ഓളം വർഷങ്ങളായി സിനിമാ സംവിധാന രംഗത്ത് തിളങ്ങി നിൽക്കുന്ന സംവിധായകൻ ആണ് ജോഷി. തലമുറ വ്യത്യാസം ഇല്ലാതെ മലയാളത്തിലെ ഒട്ടുമിക്ക സംവിധായകർക്ക് ഒപ്പവും സിനിമ ഒരുക്കിയിട്ടുള്ള വ്യക്തി കൂടിയാണ് ജോഷി.
മലയാളത്തിന്റെ താരരാജാക്കൻമാരായ മമ്മൂട്ടിക്കും മോഹൻലാലും നിരവധി സൂപ്പർഹിറ്റുകൾ ആണ് അദ്ദേഹം സമ്മാനിച്ചിട്ടുള്ളത്. അടുത്തിടെ മോഹൻലാലുമായി ചേർന്ന് ജോഷി പുതിയ സിനിമ ഒരുക്കുന്നു എന്ന തരത്തിൽ വാർത്തകൾ പ്രചരിച്ചിരുന്നു.
എന്നാൽ മോഹൻലാലിന് ഒപ്പ സിനിമ ചെയ്യുന്നുവെന്ന വാർത്ത നിഷേധിച്ച് രംഗത്ത് എത്തിയിരിക്കുകയാണ് ജോഷി ഇപ്പോൾ. പ്രചരി ക്കുന്ന വാർത്ത അസംബന്ധം ആണെന്നും ഇത്തരം കാര്യങ്ങൾ ആര് എഴുതി വിടുന്നതാണെന്ന് അറിയില്ലെന്നും ജോഷി പറയുന്നു.
കാൻ മീഡിയയോടായിരുന്നു അദ്ദേഹത്തിന്റെ പ്രതികരണം. മോഹൻലാൽ ജീത്തുജോസഫ് കൂട്ടുകെട്ടിൽ ഒരുങ്ങുന്ന റാം എന്ന ചിത്രത്തിന്റെ ഷൂട്ടിംഗ് പൂർത്തിയായ ശേഷം ജോഷി ചിത്രം ആരംഭിക്കും എന്നായിരുന്നു റിപ്പോർട്ടുകൾ. ഇതൊക്കെ ആര് എഴുതി വിടുന്നതാണെന്ന് അറിയില്ല. എന്തായാലും പ്രചരിക്കുന്ന വാർത്തകൾ അസത്യമാണ്.
ചില കഥാരചനകൾ നടക്കുന്നുണ്ട്. അതാദ്യം എഴുതി പൂർത്തിയാക്കണം. ഇഷ്ടപ്പെടണം. അതിനൊക്കെ ശേഷമേ ഇത് സംബന്ധിച്ച എന്തെങ്കിലും സ്ഥിരീകരണം ഉണ്ടാകൂ എന്നും ജോഷി വ്യക്തമാക്കി. അതേ സമയം ലൈല ഒ ലൈല എന്ന സിനിമയ്ക്കായാണ് മോഹൻലാലും ജോഷിയും അവസാനമായി ഒന്നിച്ചത്.
2015ൽ പുറത്തിറങ്ങിയ ചിത്രത്തിന് തിയേറ്ററുകളിൽ വിജയം കൈവരിക്കാൻ സാധിച്ചില്ല. അമല പോൾ ആയിരുന്നു സിനിമയിലെ നായിക കഥാപാത്രത്തെ അവതരിപ്പിച്ചിരുന്നത്. അതിന് മുമ്പ് ഇറങ്ങിയ ജോഷി മോഹൻലാൽ ചിത്രം ലോകാപാലും ദയനീയ പരാജയമായി മാറിയിരുന്നു.
നിലവിൽ സുരേഷ് ഗോപി നായകനാകുന്ന ‘പാപ്പൻ’ എന്ന സിനിമയാണ് ജോഷി സംവിധാനം ചെയ്യുന്നത്. സുരേഷ് ഗോപിയോടൊപ്പം സണ്ണിവെയിൻ, നൈല ഉഷ, നീത പിള്ള, ആശ ശരത്, കനിഹ, ചന്ദുനാഥ്, വിജയരാഘവൻ, ടിനി ടോം, ഷമ്മി തിലകൻ തുടങ്ങി വമ്പൻ താര നിരയാണ് ചിത്രത്തിൽ അണിനിരക്കുന്നത്. ആർ ജെ ഷാനാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.