മലയാള സിനിമയിലെ പകരം വെക്കാനില്ലാത്ത താരരാജാവ് ആണ് ദി കംപ്ലീറ്റ് ആക്ടർ മോഹൻലാൽ. നിരവധി സൂപ്പർഹിറ്റ് സിനിമകൾ മലയാളികൾക്ക് സമ്മാനിച്ചിട്ടുള്ള അദ്ദേഹത്തിന്റെ പേരിലാണ് മലയാള സിനിമയിലെ ഒട്ടുമിക്ക കളക്ഷൻ റെക്കോർഡുകളും രേഖപ്പെടുത്തിയിട്ടുള്ളത്.
സംസ്ഥാന ദേശീയ പുരസ്‌കാരങ്ങൾ അടക്കം നിരവധി അവാർഡുകളും അദ്ദേഹം തന്റെ അഭിനയം കൊണ്ട് നേടിയെടുത്തുണ്ട്. മോഹൻലാലിനെ നായകൻ ആക്കി റോഷൻ ആൻഡ്രൂസ് സംവിധാനം ചെയ്ത ചിത്രമായിരുന്നു ഉദയനാണ് താരം. തകർപ്പൻ വിജയം നേടിയ ഈ സിനിമയിൽ ശ്രീനിവാസനും ഒരു പ്രധാന വേഷത്തിൽ എത്തിയിരുന്നു.
രാജപ്പൻ തെങ്ങുംമൂട്ടിൽ എന്ന കഥാപാത്രത്തെ ആയിരുന്നു ശ്രീനിവാസൻ അവതരിപ്പിച്ചത്. അതേ സമയം ഉദയനാണ് താരത്തിലെ ഈ കഥാപാത്രത്തെ നായകനാക്കു മറ്റൊരു സിനിമയും ഇറങ്ങിയിരുന്നു. 2012 ൽ പുറത്തിറങ്ങിയ പത്മശ്രീ ഭരത് ഡോ.സരോജ് കുമാർ.
ഈ ചിത്രം റിലീസായപ്പോൾ കൂടെ വിവാദങ്ങളുടെ പെരുമഴയും ഉണ്ടായി. മോഹൻലാലിനെ കളിയാക്കി കൊണ്ട് പുറത്ത് ഇറങ്ങിയ ചിത്രമെന്ന അപ ഖ്യാതിയാണ് സിനിമയ്ക്ക് ലഭിച്ചത്. സിനിമയുടെ നിർമ്മാതാക്കളെ സംബന്ധിച്ച് ആ ചിത്രം ഒരു നഷ്ടമേ ആയിരുന്നില്ല. അടിതെറ്റിയത് സംവിധായകനു മാത്രം ആയിരുന്നു.
സിനിമ റിലീസായി കഴിഞ്ഞ് സംവിധായകൻ സജിൻ രാഘവൻ മോഹൻലാലിനെ പലവട്ടം വിളിച്ചിരുന്നു. പക്ഷെ ലാൽ ഫോൺ അറ്റൻഡ് ചെയ്തില്ല. പിന്നീടൊരിക്കൽ സജിൻ ഒരു ലൊക്കേഷനിൽ പോയി നേരിട്ട് കണ്ടു. വിളിച്ചിരുന്നു എന്ന കാര്യം ലാലിനോട് സൂചിപ്പിച്ചു.
മിസ്‌കാൾസ് കണ്ടിരുന്നു നമ്മൾ സുഹൃത്തുക്കളുടെയും ബന്ധുക്കളുടെയും ഫോൺ കാൾസല്ലേ എടുക്കു സജീ എന്നായിരുന്നു ലാലേട്ടന്റെ മറുപടി. അദ്ദേഹത്തിന്റെ ആ വാചകത്തിൽ എല്ലാം ഉണ്ടായിരുന്നെന്ന് സജി പറയുന്നു. മോഹൻലാലിനെ പരിഹസിക്കാൻ ഉദ്ദേശിച്ച് ചെയ്തതല്ല ഡോ.സരോജ് കുമാർ എന്നാണ് സജിൻ പറയുന്നത്.
ഉദയനാണ് താരത്തിൽ സൂപ്പർ താരങ്ങളെ കളിയാക്കുന്ന ഒട്ടേറെ രംഗങ്ങളുണ്ട്. എന്നിട്ടുംപ്രേക്ഷകരും താരങ്ങളും ആ സിനിമയെ സ്വീകരിച്ചു. അതേ പോലെ ഡോ.സരോജ് കുമാറിനേയും സ്വീകരിക്കുമെന്ന് കരുതുക ആയിരുന്നു എന്നാണ് സജിൻ രാഘവൻ പറഞ്ഞത്.
