മലയാള സിനിമാപ്രേമികള്‍ക്ക് ഏറെ സുപരിചിതയായ നടിയാണ് രാജി പി മേനോന്‍. അവതരണവും അഭിനയവുമൊക്കെയായിട്ടാണ് രാജി ശ്രദ്ധിക്കപ്പെട്ടത്. ഇപ്പോഴിതാ താരരാജാവ് മമ്മൂട്ടിയെ കുറിച്ച് സംസാരിക്കുകയാണ് താരം.
ഡാനി എന്ന ചിത്രത്തില്‍ മമ്മൂട്ടിക്കൊപ്പം അഭിനയിച്ചിരുന്നു. ഇത് വലിയൊരു ഭാഗ്യമായിട്ടാണ് കാണുന്നത്. അടുത്തിടെ മണിയന്‍പിള്ള രാജു ചേട്ടന്റെ മകന്റെ വിവാഹ റിസപ്ഷന് പോയിരുന്നുവെന്നും അപ്പോള്‍ മമ്മൂക്കയെ കണ്ടിരുന്നുവെന്നും താരം പറയുന്നു.
താന്‍ മമ്മൂക്കയുടെ അടുത്ത് ചെന്ന് ഡാനി എന്ന സിനിമയില്‍ ഒന്നിച്ച് അഭിനയിച്ചിരുന്നുവെന്ന് പറഞ്ഞു. അപ്പോള്‍ അദ്ദേഹം തന്നെ ഞെട്ടിച്ചുകൊണ്ട് ആ മരിച്ച് പോയ ക്യാരക്ടറല്ലേ എന്ന് പറഞ്ഞുവെന്നും തനിക്ക് അത് ഓസ്‌കാര്‍ അവാര്‍ഡിന് തുല്യമായിരുന്നുവെന്നും രാജി പറഞ്ഞു.
താന്‍ വളരെ ചെറിയൊരു ക്യാരക്ടറാണ് ആ ചിത്രത്തില്‍ അവതരിപ്പിച്ചത്. അതുവരെ മമ്മൂക്ക ഒര്‍ത്തുവെച്ചിട്ടുണ്ട്. ഡാനിയില്‍ മാത്രമല്ല നിരവധി ചിത്രങ്ങളില്‍ രാജി അഭിനയിച്ചിട്ടുണ്ട്.
കഥാവശേഷന്‍, ഫ്രൈഡേ, ക്ലാസ്‌മേറ്റ്‌സ്, വയലിന്‍, തുടങ്ങിയ ചിത്രങ്ങളിലെല്ലാം താരം അഭിനയിച്ചിട്ടുണ്ട്. സീരിയിലും താരം അഭിനയിച്ചു. എന്നാല്‍ സിനിമയില്‍ കുറച്ചുകൂടെ ശ്രദ്ധിച്ചിരുന്നുവെങ്കിലും നല്ല വേഷങ്ങള്‍ കിട്ടിയിരുന്നേനെ എന്ന് തോന്നിയിരുന്നുവെന്നും രാജി കൂട്ടിച്ചേര്‍ത്തു.
