മലയാളികൾക്കിടയിൽ ധാരാളം ആരാധകരുള്ള ബോളിവുഡ് താരമാണ് സണ്ണി ലിയോൺ. അതുകൊണ്ട് തന്നെ സണ്ണിയുടെ ആദ്യ മലയാള ചിത്രം ഷീറോയ്ക്കായി കാത്തിരിക്കുകയാണ് അവർ. മലയാളികളുടെ സ്വന്തം സണ്ണി ചേച്ചിയാണ് താരം.
ഒരേ സമയം മലയാളം, തമിഴ്, തെലുങ്കു, ഹിന്ദി എന്നീ ഭാഷകളിൽ ഇറങ്ങുന്ന ഈ സൈക്കോളജിക്കൽ ത്രില്ലർ സംവിധാനം ചെയ്യുന്നത് ശ്രീജിത്ത് വിജയനാണ്. ഒരു സ്വകാര്യ മാധ്യമത്തിന് നൽികിയ അഭിമുഖത്തിൽ ഷൂട്ടിങ്ങിന്റെ പുതിയ വിശേഷങ്ങൾ സംവിധായകൻ പങ്കുവെച്ചിരുന്നു.
ഇന്ത്യൻ വംശജയായ ഒരു യുഎസ് വനിതയുടെ കഥ പറയുന്ന സിനിമയുടെ രണ്ടാം ഷെഡ്യൂളിന്റെ ഷൂട്ടിങ് മുംബൈയിൽ ഈയിടെ അവസാനിച്ചു.
‘ത്രില്ലർ എന്ന് കേൾക്കുമ്പോൾ എല്ലാവരുടെയും മനസിലേക്ക് ആദ്യം എത്തുക ഒരു ക്രൈം, ഒരു അന്വേഷണം, അതിന്റെ ചുരുളഴിയുക എന്നൊക്കെ ആകും. എന്നാൽ ഈ സിനിമ അങ്ങനെ അല്ല. ഷീറോ ഒരു കഥാപാത്രത്തിന്റെ മനസ്സിന്റെ അടിത്തട്ടിലേക്ക് ഇറങ്ങി സഞ്ചരിക്കുന്ന ഒരു സിനിമയാണ്,’ ശ്രീജിത്ത് പറയുന്നു.
‘അവർ വളരെ പ്രൊഫഷണലാണ്. സെറ്റിൽ സമയത്ത് എത്തുന്നത് മുതൽ കഥാപാത്രത്തെ മനസിലാക്കുവാൻ എടുക്കുന്ന പ്രയത്‌നം വരെ, സ്വന്തം ജോലിയിൽ വളരെ സീരിയസ് ആണ് നടി.
ഞങ്ങൾ ഷൂട്ടിന് മുന്നേ ഒരു വർഷോപ്പ് നടത്തിയിരുന്നു. ഇവിടെ സൗത്തിൽ സാധാരണയായി അങ്ങനെ ഒന്ന് നടക്കാറില്ല.സത്യം പറഞ്ഞാൽ ആ വർഷോപ്പ് ഞങ്ങളുടെ ജോലിയുടെ സ്പീഡ് നന്നായി കൂട്ടി എന്ന് തന്നെ പറയാം.
ആ വർഷോപ്പ് ഒരു ആഴ്ച മുഴുവൻ സണ്ണി അറ്റൻഡ് ചെയ്തു. അതിലൂടെ കഥാപാത്രത്തെക്കുറിച്ചു ആഴത്തിൽ ചർച്ച ചെയ്തു അതുകൊണ്ട് തന്നെ ഷൂട്ടിങ് വളരെ എളുപ്പമായിരുന്നു. ഇക്കഴിഞ്ഞ ഷൂട്ട് റാപ്പിൽ അവർ വളരെ സന്തോഷവതിയായിരുന്നു. ഞങ്ങളും റിസൽട്ടിൽ സംതൃപ്തരാണ്,’ ശ്രീജിത്ത് പറഞ്ഞു.
