മിനി സ്‌ക്രീനിൽ ബാലതാരമായി അരങ്ങേറ്റം കുറിച്ച നടിയാണ് അനുശ്രീ എന്ന പ്രകൃതി. ഓമനത്തിങ്കൾ പക്ഷി സീരിയലിൽ ആൺകുട്ടിയായി വേഷമിട്ടുകൊണ്ടാണ് മിനി സ്‌ക്രീനിന്റെ സ്വന്തം താരമായി അനുശ്രീ വളർന്നത്. ഇന്ന് നായികാ പ്രാധാന്യമുള്ള വേഷങ്ങളാണ് അനുശ്രീ കൈകാര്യം ചെയ്യുന്നത്. ഇതിനിടയിലാണ് അനുശ്രീയുടെ വിവാഹിതയായത്.
എന്റെ മാതാവ് സീരിയൽ ക്യാമറമാൻ വിഷ്ണു സന്തോഷാണ് അനുശ്രീയെ സ്വന്തമാക്കിയത്. തൃശൂർ ആവണങ്ങാട്ട് ക്ഷേത്രത്തിൽ വച്ചായിരുന്നു ഇരുവരും വിവാഹജീവിതത്തിലേക്ക് കടന്നത്. വിഷ്ണുവിന്റെ കുടുംബം ബന്ധം അംഗീകരിച്ചിരുന്നുവെങ്കിലും, അനുശ്രീയുടെ അമ്മയുടെ ഭാഗത്തുനിന്നും അൽപ്പം എതിർപ്പുകൾ ഉണ്ടായിരുന്നു. എന്നാലിപ്പോൾ ആ പിണക്കവും പയ്യെ മാറിയെന്നാണ് അനുശ്രീ പറയുന്നത്.
ALSO READ
‘ഓമനത്തിങ്കൾ പക്ഷി’ എന്ന പരമ്പരയിൽ ജിത്തു മോനായി തുടങ്ങി ഇതുവരെ അമ്പതോളം സീരിയലുകളുടെ ഭാഗമായ നടിയാണ് അനുശ്രീ. 2005 മുതൽ അഭിനയലോകത്തുള്ള താരം ‘സീ കേരള’ത്തിൽ ‘പൂക്കാലം വരവായി’ എന്ന പരമ്പരിയിലാണ് ഇപ്പോൾ അഭിനയിച്ചുകൊണ്ടിരിക്കുന്നത്. ബാലതാരമായി അഭിനയം തുടങ്ങിയ താരമിപ്പോൾ നായികാ വേഷങ്ങളിലാണ് അഭിനയിക്കുന്നത്.
വഴക്കിടുമ്പോൾ രണ്ടുപേരും പരസ്പരം മിണ്ടാറില്ല. അതുകൊണ്ടുതന്നെ മറ്റു പ്രശ്‌നങ്ങൾ ഒന്നും ഇല്ല. ഒരു വഴക്കിന്റെ ആയുസ്സ് ഒരു രാത്രി വരെ മാത്രമായിരിക്കും. വിവാഹത്തിന് ശേഷം വഴക്ക് വളരെ കുറവാണ്. പിന്നെ വഴക്കൊക്കെ ഇഷ്ടംപോലെ ഉണ്ടാകാറുണ്ട്. കല്യാണം കഴിഞ്ഞു രണ്ടിന്റെ അന്ന് അടിച്ചു പിരിഞ്ഞു ഞങ്ങൾ ഇറങ്ങി പോകാനൊക്കെ പറഞ്ഞു. മിക്കപ്പോഴും ആളാണ് പ്രശ്‌നങ്ങൾ സോൾവ് ചെയ്യുക. ഞാൻ വളരെ കുറവാണ് സോൾവ് ചെയ്യുക. കുറച്ചൊക്കെ വാശിയും അഹങ്കാരവും ഒക്കെയുണ്ട് ഒരു സ്വകാര്യ മാധ്യമത്തിനോട് അനുശ്രീ പറയുഞ്ഞ വാക്കുകളാണിത്.
നെഗറ്റീവ് കമന്റുകൾ വന്നതിനെ കുറിച്ച് സംസാരിക്കുമ്പോൾ അമ്മയെ മിസ് ചെയ്യുന്നില്ല എന്ന് പറഞ്ഞതിനാണ് ഏറ്റവും കൂടുതൽ നെഗറ്റീവ് കമന്റ്‌സ് കിട്ടിയത്. അത് ഞാൻ വളരെ സിന്‌സിയർ ആയി തന്നെ പറഞ്ഞതാണ്. കാരണം എന്റെ അമ്മയെക്കാളും കെയർ ചെയ്യുന്നൊരു അമ്മയാണ് ഇവിടെ ഉള്ളത്.
പിന്നെ എന്നെ ഒരിക്കലും തനിച്ചിരിക്കാൻ പോലും അനുവദിക്കാത്ത ആളാണ് ഭർത്താവ്. എവിടെപ്പോയാലും എന്നെയും കൂടെ കൊണ്ടുപോകും. എന്റെ ഒപ്പം തന്നെ എല്ലാ സമയവും ഉണ്ടാകും. അത് ഞാൻ പിടിച്ചിരുത്തുന്നതല്ല. ആള് അങ്ങനെയാണ്. അപ്പോൾ സ്വന്തം വീടിനോട് അത്ര മിസ്സിംഗ് തോന്നാറില്ല. അതുകൊണ്ടുതന്നെ അത്തരം കമന്റുകൾ കണ്ടപ്പോൾ അത്ര ഇറിറ്റേറ്റ് ആയൊന്നും ഇല്ല.
ALSO READ
ഒടിയനുശേഷം മോഹൻലാലും ശ്രീകുമാർ മേനോനും വീണ്ടും ഒന്നിക്കുന്നു ; പ്രതീക്ഷയിൽ ആരാധകർ
അച്ഛൻ ആദ്യം തന്നെ അംഗീകരിച്ചതാണ്. പിന്നെ അമ്മയ്ക്ക് ദേഷ്യവും കാര്യങ്ങളും ഒന്നും തന്നെ ഇപ്പോഴില്ല. അമ്മ എന്നോട് വീട്ടിൽ ചെന്നോളാൻ പറഞ്ഞു. ഞാൻ വീട്ടിൽ പോകാറുണ്ട്. അമ്മയെകാണാറുണ്ട്, സംസാരിക്കാറുണ്ട്, അമ്മയുടെ കാര്യങ്ങളൊക്കെ ചെയ്തുകൊടുക്കാറുണ്ട്. എപ്പോഴാണ് വിഷ്ണുവിനെ അംഗീകരിക്കുക എന്ന് ചോദിച്ചപ്പോൾ ഉടനെ ഉണ്ടാകും വൈകില്ല എന്നുതന്നെയാണ് അമ്മ മറുപടി നൽകിയത്.
കല്യാണം കഴിഞ്ഞില്ലേ, വീട്ടിൽ ഇരിക്കാൻ ആണ് ആഗ്രഹം എന്ന് ഞാൻ വിഷ്ണുവിനോട് പറഞ്ഞപ്പോൾ വേണ്ട എന്ന് പറഞ്ഞുകൊണ്ട് ജോലിക്ക് പറഞ്ഞുവിട്ടത് വിഷ്ണുവാണ്. ദേഷ്യം വന്നാലും സ്‌നേഹം വന്നാലും അത് അപ്പോൾ തന്നെ എക്‌സ്പ്രസ് ചെയ്യും, ഒന്നും ഒളിച്ചുവയ്ക്കുന്ന സ്വഭാവമല്ല.
ഓവർ ഓവർ കെയറിങ് ആണ് വിഷ്ണുവെന്നും അതൊക്കെത്തന്നെയാണ് വിഷ്ണുവിലുള്ള ഏറ്റവും നല്ല സ്വഭാവം. മിക്ക ആളുകൾക്കിടയിലെയും പ്രശ്‌നം തന്നെ ഈ കെയറിങ് കുറയുന്നതാണ്. അതിനു ഒരു സ്പെയ്സ് വിഷ്ണു കൊടുക്കാറില്ല എന്നും അനു കൂട്ടിചേർത്തു.
