മലയാള സിനിമയില്‍ അറിയപ്പെടുന്ന സംവിധായകരില്‍ ഒരാളാണ് ജയരാജ്. ഒത്തിരി ഹിറ്റ് സിനിമകളാണ് അദ്ദേഹം ഒരുക്കിയത്. ഫോര്‍ ദി പീപ്പിള്‍, ജോണിവാക്കര്‍, കളിയാട്ടം, ഹൈവേ തുടങ്ങിയ ചിത്രങ്ങളെല്ലാം സമ്മാനിച്ചത് അദ്ദേഹമാണ്.
ജോണിവാക്കറില്‍ മലയാള സിനിമയിലെ താരരാജാവ് മമ്മൂട്ടിയായിരുന്നു നായകന്‍. ജോണിവാക്കറിലെയും ഹൈവേയിലെയും നായകന്റെ ഡ്രസ്സിങ് സൈറ്റും ഉപയോഗിക്കുന്ന ഗാഡ്ജറ്റുകളുമെല്ലാം ഏറെ ശ്രദ്ധിക്കപ്പെട്ടിരുന്നു. ഈ രണ്ട് സിനിമകളും സ്റ്റൈലിഷായിരുന്നു.
ഇപ്പോഴിതാ തന്റെ സിനിമകളെ കുറിച്ച് സംസാരിക്കുകയാണ് ജയരാജ്. താന്‍ റിയലിസ്റ്റിക്കായുള്ള സിനിമകളാണ് ചെയ്തുകൊണ്ടിരിക്കുന്നതെന്നും അത് തനിക്ക് മടുത്തുവെന്നും ഇനിയങ്ങോട്ട് സ്‌റ്റൈലിഷായിട്ടുള്ള ചിത്രങ്ങള്‍ ചെയ്യണമെന്നും ജയരാജ് പറയുന്നു.
ജോണിവാക്കര്‍ സിനിമയുടെ രണ്ടാംഭാഗത്തെ കുറിച്ച് ആലോചിച്ച് കൊണ്ടിരിക്കുകയാണ്. അതിനുവേണ്ടി താന്‍ മമ്മൂട്ടിയെയും ദുല്‍ഖറിനെയും സമീപിച്ചിരുന്നുവെന്നും ചിത്രത്തിന്റെ കഥയൊക്കെ റെഡിയാണെന്നും സിനിമ ചെയ്താല്‍ ഹിറ്റാകുമെന്ന് ഉറപ്പാണെന്നും ജയരാജ് പറയുന്നു.
ആ തരത്തിലാണ് സിനിമ പ്ലേസ് ചെയ്തിരിക്കുന്നത്. എന്നാല്‍ മമ്മൂട്ടിക്കും ദുല്‍ഖറിനും വലിയ താത്പര്യമില്ലെന്നും അതുകൊണ്ട് തത്കാലം സിനിമ മാറ്റിവെച്ചുവെന്നും എന്നു കരുതി സിനിമ ഉപേക്ഷിച്ചില്ലെന്നും ജയരാജ് പറയുന്നു.
