യൂത്ത് ഐക്കണ്‍ പൃഥ്വിരാജ് മലയാളികളുടെ പ്രിയ താരമാണ് . നടനില്‍ നിന്നും സംവിധായകനിലേയ്ക്കുള്ള കൂടുമാറ്റത്തിലാണ് താരമിപ്പോള്‍. മോഹന്‍ലാലിനെ നായകനാക്കി പൃഥ്വിരാജ് ഒരുക്കുന്ന ചിത്രമാണ് ലൂസിഫര്‍.
ഇതില്‍ മോഹന്‍ലാലിന്റെ നായികയായി എത്തുന്നത് മഞ്ജു വാര്യരാണ്. ആദ്യമായി സംവിധാനം ചെയ്യുന്ന ഒരാളാണ് പൃഥ്വിരാജ് എന്ന് തോന്നില്ലെന്നാണ് മഞ്ജു വാര്യര്‍ പറയുന്നത്.
താരത്തിന്റെ വാക്കുകള്‍ ഇങ്ങനെ.. ‘രാജുവുമായി അടുത്തു സംസാരിക്കുന്നത് ലൂസിഫറിന്റെ സെറ്റില്‍ വെച്ചാണ്. പല ചടങ്ങുകളിലും മറ്റും കാണാറുണ്ടെങ്കിലും അധികം സംസാരിക്കാറില്ലായിരുന്നു.
മാത്രമല്ല രാജുവിന്റെ കൂടെ അഭിനയിച്ചിട്ടുമില്ല. കൂടെ അഭിനേതാവ് ആയി ജോലിചെയ്യുന്നതും സംവിധായകനായി ജോലി ചെയ്യുന്നതും താരതമ്യം ചെയ്യാന്‍ എനിക്ക് അറിയില്ല.
പൃഥ്വിരാജ് എന്ന നടനാണ് സംവിധാനം ചെയ്യുന്നതെന്ന് ആദ്യത്തെ ഒരുദിവസം നമ്മുടെ മനസ്സില്‍ ഉണ്ടാകും.
എന്നാല്‍ പിന്നെ നമ്മള്‍ കാണുന്നത്, മലയാളത്തിലെ ഏറ്റവും അനുഭവസമ്ബത്തുളള സംവിധായകരുടെ പക്വതയും വ്യക്തതയും ഉള്ള സംവിധായകനെയാണ്. ആ ആത്മവിശ്വാസം പൃഥ്വിയിലുണ്ട്’- മഞ്ജു വാര്യര്‍ പറയുന്നു.
പൃഥ്വിരാജിന്റെ അരങ്ങേറ്റ ചിത്രമായ ലൂസിഫറില്‍ മോഹന്‍ലാലിന്റെ നായികയായെത്തുന്നത് മഞ്ജു വാര്യര്‍ ആണ്.
പൃഥ്വിരാജിന്റെ സംവിധാനത്തേക്കുറിച്ച്‌ മഞ്ജു വാര്യര്‍ പറഞ്ഞ വാക്കുകളാണ് ഇപ്പോള്‍ വൈറല്‍ ആകുന്നത്. ആദ്യമായി സംവിധാനം ചെയ്യുന്ന ഒരാളാണ് പൃഥ്വി എന്ന് പറയില്ല എന്ന് മഞ്ജു പറയുന്നു.
