തെന്നിന്ത്യന് യുവതാരം നൂറിന് ഷെരീഫ് വിവാഹിതയായി. നടനും തിരക്കഥാകൃത്തുമായ ഫഹിം സഫര് ആണ് വരന്. നീണ്ടകാലത്തെ പ്രണയത്തിനാണ് വിവാഹത്തിലൂടെ സാഫല്യമായിരിക്കുന്നത്.
അവിചാരിതമായി കണ്ടുമുട്ടിയവര് പിന്നീട് അടുത്ത സൗഹൃദത്തിലേക്കും പ്രണയത്തിലേക്കും എത്തുകയായിരുന്നു. നൂറിന്റെ വിവാഹ വീഡിയോകളും ഫോട്ടോകളും സോഷ്യല്മീഡിയയില് വൈറലാവുകയാണ്.
തിരുവനന്തപുരത്ത് വെച്ചായിരുന്നു വിവാഹ ചടങ്ങുകള്. കഴിഞ്ഞ ഡിസംബറില് വിവാഹനിശ്ചയവും നടന്നിരുന്നു. അന്നും ഇരുവരുടേയും ചിത്രങ്ങള് സോഷ്യല്മീഡിയ കൈയ്യടക്കിയിരുന്നു.
വിവാഹശേഷം ആദ്യമായി മാധ്യമങ്ങളോട് പ്രതികരിച്ചിരിക്കുകയാണ് നൂറിനും ഫഹീമും. കല്യാണം കഴിഞ്ഞു, ഇനിയെന്താണ് പരിപാടി എന്നായിരുന്നു മാധ്യമപ്രവര്ത്തകരുടെ ചോദ്യം. ഇതിന് ഉഷാറല്ലേ എന്നായിരുന്നു ഫഹീമിന്റെ മറുപടി.
നിലവില് തങ്ങള് ഹണിമൂണൊന്നും പ്ലാന് ചെയ്തിട്ടില്ലെന്നും എല്ലാം പ്ലാന് ചെയ്യണമെന്നും നൂറിന് പറഞ്ഞു. താന് ഇപ്പോള് വളരെ സന്തോഷത്തിലും ആവേശത്തിലുമാണെന്നും തന്റെ ബിഗ് ഡേ ആണ് ഇന്നെന്നും നൂറുന് കൂട്ടിച്ചേര്ത്തു. ഇരുവരും തങ്ങള്ക്ക് വേണ്ടി കാത്തുനിന്ന മാധ്യമപ്രവര്ത്തകര്ക്ക് നന്ദിയും പറഞ്ഞു.