വില്ലന് വേഷങ്ങളിലൂടെ വന്ന് പ്രേക്ഷകരുടെ പ്രീതി സ്വന്തമാക്കിയ നടനാണ് റിയാസ് ഖാന്. വില്ലന് എന്നതിലുപരി നല്ലൊരു കോമേഡിയനും കൂടിയാണ് അദ്ദേഹം. താരത്തെ കണ്ടാല് ആദ്യമെല്ലാം വിചാരിക്കുന്നത് ഒരു ബോളിവുഡ് നടനാണെന്നാണ്.
2003 ലാണ് ബാലേട്ടന് എന്ന ചിത്രത്തിലൂടെ താരം ശ്രദ്ധിക്കപ്പെടുന്നത്. പിന്നീട് കൊച്ചിരാജാവടക്കെ നിരവധി സിനിമകളില് താരത്തെ തേടി ചെറുതും വലുതുമായ വേഷങ്ങളെത്തി. വര്ഷങ്ങളായി സിനിമയിലുള്ള താരം ഇന്നു സജീവ സാന്നിധ്യമാണ്.
വളരെ ചെറിയ പ്രായത്തിലായിരുന്നു റിയാസ് ഖാന്റെ വിവാഹം. പ്രണയത്തിലായിരുന്ന റിയാസ് ഖാനും ഭാര്യ ഉമയും 21, 19 വയസ്സുകളിലാണ് വിവാഹിതരായത്. ഇവരുടെ വീട്ടുകാര് ഈ ബന്ധത്തിന് എതിര്പ്പായിരുന്നു. ഇപ്പോഴിത തന്റെ പ്രണയത്തെ കുറിച്ചും ദാമ്പത്യ ജീവിതത്തെ കുറിച്ചും സംസാരിക്കുകയാണ് റിയാസ് ഖാന്.
കാലമിത്രയായിട്ടും തങ്ങളുടെ പ്രണയത്തിന് യാതൊരുവിധ മങ്ങലും ഏറ്റിട്ടില്ലെന്നും വിവാഹം കഴിഞ്ഞപ്പോള് ഒന്നും ഈസിയായിരുന്നില്ലെന്നും തങ്ങള് ചെയ്ത പോലെ ആരും ചെറിയ പ്രായത്തില് ചാടിക്കേറി വിവാഹം ചെയ്യരുതെന്നും അതവാ നേരത്തെ വിവാഹം ചെയ്താല് ഇത്രയും കാലം ഒന്നിച്ച് നില്ക്കാനും പറ്റണമെന്നും റിയാസ് ഖാന് പറയുന്നു.
വിവാഹം കഴിഞ്ഞ് വീട്ടിലെത്തിയപ്പോള് അമ്മ അവളോട് 100 രൂപ താരം ആരും അറിയാതെ വീട്ടിലേക്ക് തന്നെ തിരിച്ച് പോയിക്കോ എന്നു പറഞ്ഞിരുന്നു. അതിന്റെ പേരില് താന് അമ്മയോട് വഴക്കിട്ടിരുന്നുവെന്നും അന്ന് കുറേക്കാലം തങ്ങളോട് മിണ്ടിയിട്ടില്ലെന്നും റിയാസ് ഖാന് പറയുന്നു.