അങ്ങനെ കാത്തിരിപ്പുകള്‍ക്കൊടുവില്‍ പൃഥ്വിരാജിന്റെ ആട് ജീവിതം തിയറ്ററുകളില്‍ എത്തിയിരിക്കുകയാണ്. ആദ്യ ദിനം തന്നെ മികച്ച പ്രതികരണമാണ് സിനിമയ്ക്ക് ലഭിക്കുന്നത് . പലരും കരഞ്ഞു കൊണ്ടാണ് ഈ ചിത്രം കണ്ടത്. ഇപ്പോഴിതാ സുപ്രിയ കുറിച്ച വാക്കുകളാണ് ശ്രദ്ധ നേടുന്നത് .
16 വര്‍ഷത്തെ കാത്തിരിപ്പിന് ശേഷം ആണ് ആടുജീവിതം അതേ പേരില്‍ ബിഗ് സ്‌ക്രീനില്‍ എത്തിയിരിക്കുന്നത്.
പരിസമാപ്തിയിലെത്തുന്ന 16 വര്‍ഷത്തെ യാത്രയെ നിങ്ങള്‍ എന്ത് വിളിക്കും? 2006 നവംബര്‍ മുതല്‍ പൃഥ്വിയെ എനിക്കറിയാം, 2011ല്‍ അദ്ദേഹത്തെ വിവാഹം കഴിച്ചു. നിരവധി സിനിമകളില്‍ ഞാന്‍ അദ്ദേഹത്തെ കണ്ടിട്ടുണ്ട്. എന്നാല്‍ മുമ്പൊരിക്കലും ഇതുപോലെ ഒന്ന് ഞാന്‍ കണ്ടിട്ടില്ല..
ഭ്രാന്തമായ ഉപവാസ ദിനങ്ങളിലൂടെ കടന്നുപോയ നിങ്ങളെ ഞാന്‍ കണ്ടിട്ടുണ്ട്. നിരന്തരം വിശന്നിരുന്ന് ശരീരഭാരം കുറയുന്നത് നിരീക്ഷിക്കുകയും, ക്ഷീണിതനും ബലഹീനനുമായി തീരുകയും ചെയ്ത ആ നാളുകള്‍. കോവിഡ് കാലത്ത് ലോകം മുഴുവന്‍ ഒന്നിച്ചപ്പോള്‍ മരുഭൂമിയിലെ ക്യാമ്പില്‍ മതിയായ ബാന്‍ഡ്വിഡ്ത്ത് ഉണ്ടായിരുന്ന വിലയേറിയ നിമിഷങ്ങള്‍ക്കിടയില്‍ ഞങ്ങള്‍ ഇന്റര്‍നെറ്റിലൂടെ പരസ്പരം സംസാരിച്ചു…
ഈ ഒരു സിനിമ കാരണം മറ്റ് ഭാഷകളിലെ അവസരങ്ങള്‍ നഷ്ടമായി. ഇതില്‍ നല്‍കിയ ശ്രദ്ധ കലയ്ക്കും അതിനായി നിലകൊള്ളുന്ന എല്ലാത്തിനും വേണ്ടി നിങ്ങള്‍ തിരഞ്ഞെടുത്ത യാത്രയാണ്. സ്‌ക്രീനിലേക്ക് ഒരു കഥാപാത്രമായി പരകായപ്രവേശം നടത്താന്‍ ബ്ലെസിക്കും മറ്റെല്ലാവര്‍ക്കും ഒപ്പം മനസ്സും ശരീരവും ചൈതന്യവും അര്‍പ്പിച്ചുള്ള യാത്ര…
നിങ്ങളുടെ എല്ലാ ശ്രമങ്ങളും ഫലപ്രാപ്തിയിലെത്തുമ്പോൾ എനിക്ക് ഒന്നേ പറയാനുള്ളൂ, ഈ ആത്മസമർപ്പണത്തിന് സമാനതകളില്ല. ഈ മനോഹരമായ കലാസൃഷ്ടി കാണുന്ന എല്ലാവരുടെയും ഭാഗത്തു നിന്നും എല്ലാ വിജയവും സ്നേഹവും ഞാൻ നേരുന്നു. എൻ്റെ കണ്ണിൽ നിങ്ങൾ G.O.A.T ആണ്!’ സുപ്രിയ കുറിച്ചു .
