മഴവിൽ മനോരമയിലെ ഡി ഫോർ ഡാൻസ് എന്ന പരിപാടിയിലൂടെ മലയാളികൾക്ക് സുപരിചിതനാണ് കുക്കു (സുഹൈദ് കുക്കു). ഇപ്പോൾ ഉടൻ പണത്തിൽ അവതാരകനായും കുക്കു എത്തുന്നുണ്ട്. നിരവധി സിനിമകളിലും വേഷമിട്ടിട്ടുള്ള സുഹൈദ് കുക്കു ദീപ പോളിനെയാണ് വിവാഹം ചെയ്തത്.
ഇരുവരുടെയും വിവാഹത്തിന് പിന്നാലെ യൂട്യൂബിലും സജീവമാണ്. ഡികെ ടെയിൽസ് എന്ന പേരിൽ ഇരുവരും പങ്കുവെക്കുന്ന വീഡിയോസിന് നിറയെ കാഴ്ചക്കാരുമുണ്ട്. ഇപ്പോഴിതാ ഇരുവരും പങ്കുവെച്ചിരിക്കുന്ന വീഡിയോ ആണ് ശ്രദ്ധ നേടുന്നത്.
ALSO READ
ഒരു ദിവസം വെറും നൂറു രൂപ കൊണ്ട് ജീവിക്കണമെന്ന ചലഞ്ച് രണ്ടു പേരും ഏറ്റെടുത്തിരിക്കുകയാണ് ഇപ്പോൾ. ഇതിന്റെ വീഡിയോയാണ് ഇപ്പോൾ ഇരുവരും ചേർന്ന് പങ്കുവെച്ചിരിക്കുന്നത്. കൊച്ചിയിലുള്ള ചെറു ചെറു ഹോട്ടലുകളിൽ നിന്ന് പരിമിതമായ ചെലവിൽ ഭക്ഷണം കഴിച്ചാണ് കൃത്യമായി പ്ലാൻ ചെയ്ത തുക ചെലവിട്ട് ഇവർ ഒരു ദിവസം തള്ളിനീക്കിയത്.
കൂട്ടുകാർക്കൊപ്പമാണ് ഇരുവരും ഭക്ഷണം കഴിക്കാൻ പോയതെങ്കിലും ഇരുവരും ചെലവ് ചുരുക്കി ഭക്ഷണം കഴിക്കാൻ മുതിരുമ്പോഴും കൂട്ടുകാർ സുഭിക്ഷമായ ഭക്ഷണം കഴിച്ചു എന്ന് ഉറപ്പാക്കാൻ ഇരുവരും ശ്രദ്ധിച്ചിരുന്നു. എന്നാൽ കൂട്ടുകാരുടെ ഭക്ഷണത്തിന്റെ തുക അവർ തന്നെ കൊടുക്കണമെന്ന് ദീപ പലപ്പോഴായി ഓർമ്മിപ്പിക്കുന്നുണ്ടായിരുന്നു.
ALSO READ
നൂറു രൂപ രണ്ട് പേർക്കുമായുള്ള ചെലവിനായി ആകെ ഇരുന്നൂറ് രൂപയുമായാണ് ദീപയും കുക്കുവും ഒരു ദിവസത്തെ ജീവിതം ആരംഭിച്ചത്. കണക്കു കൂട്ടിയുള്ള ജീവിതത്തിന്റെ ബുദ്ധിമുട്ട് ഓരോരുത്തരിലും മനസിലാക്കി കൊടുക്കുന്ന ചാലഞ്ചാണ് ദീപയും കുക്കുവും ചെയ്തതെന്നാണ് പ്രേക്ഷകരുടെ അഭിപ്രായം.
