മലയാളത്തില്‍ മാത്രമല്ല, തെന്നിന്ത്യന്‍ സിനിമയിലാകെ ആരാധകരുള്ള താരമാണ് വിനായകന്‍. ഇപ്പോഴിതാ സഞ്ചാരിയായ സന്തോഷ് ജോര്‍ജ് കുളങ്ങരയെ കുറിച്ച് വിനായകന്‍ സോഷ്യല്‍മീഡിയയില്‍ പങ്കുവെച്ച ഒരു കുറിപ്പാണ് ഏറെ ശ്രദ്ധനേടുന്നത്.
സന്തോഷ് ജോര്‍ജ് കുളങ്ങരയെ ആരും നമ്പരുത് എന്നാണ് വിനായകന്‍ പറയുന്നത്. ഇന്ത്യയെ സന്തോഷ് ജോര്‍ജ് കുളങ്ങര വളരെ മോശമായി ചിത്രീകരിക്കുകയാണെന്നും വിനായകന്‍ സോഷ്യല്‍മീഡിയയില്‍ പങ്കുവെച്ച കുറിപ്പില്‍ പറയുന്നു.
യുവതീ യുവാക്കളോടാണ്, ലോകത്തിന്റെ സ്വകാര്യതയിലേക്ക് ക്യാമറ കൊണ്ട് ഒളിഞ്ഞുനോക്കുന്ന ഇദ്ദേഹത്തെ നമ്പരുത്. സ്വന്തം വ്യവസായം വലുതാക്കാനായി ചാനലുകളില്‍ വന്നിരുന്ന് ഇന്ത്യയെന്ന മഹാരാജ്യത്തെ മോശമായി കാണിക്കുകയാണെന്നും വിനായകന്‍ പറയുന്നു.
ആ കാശുകൊണ്ട് കുടുംബം പോറ്റുന്ന ഇദ്ദേഹത്തെ പോലെ ലോകം അറിയാമെന്ന് സ്വയം നടക്കുന്ന, ആളുകളെ നമ്പരുത്, യുവതി യുവാക്കളെ നിങ്ങള്‍ നിങ്ങളുടെ സന്തോഷത്തിന്റെ ലോകത്തേക്ക് പറന്നുപോകൂ എന്നും വിനായകന്‍ പറയുന്നു.
വിനായകന്റെ പോസ്റ്റ് വൈറലായിരിക്കുകയാണിപ്പോള്‍. സന്തോഷ് ജോര്‍ജ് കുളങ്ങരയെ വിമര്‍ശിച്ചുകൊണ്ടുള്ള പോസ്റ്റിന് എന്നാല്‍ പിന്തുണയേക്കാള്‍ ഏറെ വിമര്‍ശനങ്ങളാണ് വിനായകനെ തേടിയെത്തിക്കൊണ്ടിരിക്കുന്നത്.
