ഹൈദരാബാദ്: സഹപാഠിയും കീഴ്ജാതിക്കാരനുമായ യുവാവിനെ പ്രണയിച്ചെന്ന് ആരോപിച്ച്‌ യുവതിയെ പിതാവ് കൊലപ്പെടുത്തി. കോളേജ് വിദ്യാര്‍ത്ഥിനിയായ വൈഷ്ണവി എന്ന ഇരുപതുകാരിയാണ് കൊലചെയ്യപ്പെട്ടത്.
കഴിഞ്ഞ ദിവസം വീട്ടില്‍ നിന്ന് അയല്‍ക്കാരാണ് പെണ്‍കുട്ടിയുടെ മൃതദേഹം കണ്ടെടുത്തത്. തുടര്ന്ന് യുവതിയുടെ പിതാവ് വെങ്ക റെഡ്ഢിയെ പൊലീസ് അറസ്റ്റ് ചെയ്തു.
വൈഷ്ണവി സഹപാഠിയും കീഴ്ജാതിക്കാരനുമായ യുവാവുമായി പ്രണയത്തിലായിരുന്നു. ഇവര്‍ ഒളിച്ചോടി വിവാഹം കഴിക്കുമെന്ന ധാരണയാണയില്‍ യുവാവിനെ കാണാന്‍ പാടില്ലെന്നും പ്രണയബന്ധം അവസാനിപ്പിക്കണമെന്നും വെങ്കയ്യ മകളോട് ആവശ്യപ്പെട്ടിരുന്നു.
എന്നാല്‍ യുവതി ഇതില്‍ നിന്ന് പിന്മാറാന്‍ തയ്യാറായിരുന്നില്ല. തുടര്ന്ന് ഇരുവരും തമ്മില്‍ കഴിഞ്ഞ ദിവസം വാക്കുതര്‍ക്കം ഉണ്ടാവുകയും പ്രകോപിതനായ വെങ്കയ്യ മകളെ കഴുത്ത് ഞെരിച്ച്‌ കൊലപ്പെടുത്തുകയായിരുന്നു – പൊലീസ് വ്യക്തമാക്കി.
യുവതിയുടെ മൃതദേഹം കണ്ടെടുത്തപ്പോള്‍ സാധാരണ മരണമായാണ് പൊലീസ് റിപ്പോര്‍ട്ട് ചെയ്തത്. എന്നാല്‍ ഫോറന്‍സിക് വിദഗ്ദരുടെ നിരീക്ഷണത്തില്‍ ഇത് സാധാരണ മരണമല്ല കൊലപാതകമാണെന്ന് തെളിയുകയായിരുന്നു.
തുടര്ന്ന് പിതാവ് വെങ്കയ്യയെ പൊലീസ് കസ്റ്റഡിയിലെടുക്കുകയും ഇയാള്‍ കുറ്റസമ്മതം നടത്തുകയുമായിരുന്നു.
