മലയാളികള്‍ക്ക് ഏറെ ഇഷ്ടപ്പെട്ട താരദമ്പതികളാണ് ഇന്ദ്രജിത്തും പൂര്‍ണിമയും. മക്കളായ പ്രാര്‍ഥനയും നക്ഷത്രയും അടങ്ങുന്നതാണ് പൂര്‍ണിമയുടേയും ഇന്ദ്രജിത്തിന്റേയും കുടുംബം. മലയാളികളുടെ പ്രിയനടി മാത്രമല്ല ഫാഷന്‍ഡിസൈനറുമാണ് പൂര്‍ണിമ.
വിവാഹശേഷം അഭിനയത്തില്‍ നിന്നും വിട്ടുനില്‍ക്കുകയാണെങ്കിലും സോഷ്യല്‍മീഡിയയിലൂടെയും ടെലിവിഷന്‍ സ്‌ക്രീനിലൂം സജീവമാണ് പൂര്‍ണിമ. മക്കളുടേയും ഭര്‍ത്താവ് ഇന്ദ്രന്റേയും വിശേഷങ്ങളെല്ലാം പൂര്‍ണിമ സോഷ്യല്‍മീഡിയയിലൂടെ പങ്കുവെക്കാറുമുണ്ട്.
ഇപ്പോഴിതാ പൂര്‍ണിമയുടെ ഇന്‍സ്റ്റഗ്രാം പോസ്റ്റാണ് വൈറലാവുന്നത്. മകള്‍ നക്ഷത്ര എന്ന നെച്ചു ആദ്യമായി റെഡ് കാര്‍പെറ്റിലൂടെ നടക്കുന്നതിന്റെ സന്തോഷമാണ് താരം സോഷ്യല്‍മീഡിയയിലൂടെ പങ്കുവെച്ചിരിക്കുന്നത്.
ബോളിവുഡ് നടിയുടെ ലുക്കില്‍ ലാവെന്റര്‍ കളറിലുള്ള വേഷത്തിലാണ് നക്ഷത്ര റെഡ് കാര്‍പെറ്റിലെത്തിയത്. ലാലണ്ണാസ് സോഗ് എന്ന ഹ്രസ്വ ചിത്രത്തിലെ മികച്ച അഭിനയത്തിന് ഫിലിം ക്രിട്ടിക്‌സ് ഗില്‍ഡ് നോമിന് ആയിട്ടായിരുന്നു നക്ഷത്ര പുരസ്‌കാര നിശയില്‍ തിളങ്ങിയത്.
പൂര്‍ണിമ പങ്കുവെച്ച മകളുടെ വീഡിയോയ്ക്ക് താഴെ നിരവധി പേരാണ് കമന്റ് ചെയ്തത.് പലരും നക്ഷത്രയുടെ സൗന്ദര്യത്തെയും ചിരിയെയും കുറിച്ചൊക്കെയാണ് കമന്റില്‍ പറഞ്ഞത്. ചിലര്‍ പറയുന്നത് നക്ഷത്രയ്ക്ക് നടി ജ്യോതികയുടെ മുഖച്ഛായയുണ്ടെന്നാണ്.
