ബിഗ് ബോസ് സീസണ്‍ 6 സംപ്രേഷണം തുടരുകയാണ്. കഴിഞ്ഞ ദിവസം ബിഗ് ബോസ് വീട്ടില്‍ നാടകീയ നിമിഷങ്ങളായിരുന്നു അരങ്ങേറിയത്. എപ്പിസോഡിന്റെ തുടക്കം മുതലേ റോക്കി- അപ്‌സര-സിജോ തര്‍ക്കം ആരംഭിച്ചിരുന്നു.
ആദ്യം അപ്‌സരയും റോക്കിയും തമ്മിലായിരിന്നു തര്‍ക്കം. അപ്‌സര റോക്കിയെ വാക്കുതര്‍ക്കത്തിനിടെ റാസ്‌കല്‍ എന്ന് വിളിച്ചതാണ് റോക്കിയ പ്രകോപിപ്പിച്ചത്. റോക്കി അപ്‌സരയുടെ വീട്ടുകാരെ പറഞ്ഞത് അപ്‌സരയെ കൂടുതല്‍ ക്ഷുഭിതയാക്കുകയും ചെയ്തു.
അതിന് പിന്നാലെ തര്‍ക്കം ചെന്നെത്തിയത് റോക്കിയും സിജോയിലേക്കുമായിരുന്നു. ഇരുവരും തമ്മില്‍ ഏറെ നേരം വാക്കുകള്‍ കൊണ്ട് പോരാടി. ഇവരെ പിന്തിരിപ്പിക്കാന്‍ മറ്റുള്ളവര്‍ ശ്രമിച്ചെങ്കിലും നടന്നില്ല. പിന്നീട് എല്ലാവരും പല ഭാഗത്തേക്ക് പോയതോടെ റോക്കി സിജോയെ ഇടിക്കുകയായിരുന്നു.
സിജോ റോക്കിയെ പ്രൊവോക്ക് ചെയ്തുകൊണ്ടിരിക്കെയായിരുന്നു മര്‍ദനം. ഒടുവില്‍ റോക്കിയെ ബിഗ് ബോസ് കണ്‍ഫെഷന്‍ റൂമിലേക്ക വിളിപ്പിച്ചു. പിന്നാലെ പൊട്ടിക്കരയുന്ന റോക്കിയെയാണ് കാണാനാവുക. സിജോയെ വൈദ്യപരിശോധനയ്ക്ക് വിധേയമാക്കുകയും ചെയ്തിട്ടുണ്ട്.
പിന്നാലെ റോക്കിയെ ബിഗ്‌ബോസ് ഷോയില്‍ നിന്നും പുറത്താക്കിയതായി പ്രഖ്യാപനവും വന്നു. ഇതിന് ശേഷം സിജോ പറഞ്ഞത് തനിക്ക് റോക്കിയോട് ഒരു ദേഷ്യവുമില്ലെന്നാണ് . ഇതും എപ്പിസോഡിന്റെ ഹൈലൈറ്റാണ്.
