ക്ഷമ ചോദിച്ചതിന് ശേഷമാണ് വിജയ് സർ എന്നെ അങ്ങനെ വിളിച്ചത്; ബിഗിലിലെ പാണ്ടിയമ്മ നടി ഇന്ദ്രജ

116

തമിഴകത്തിന്റെ ദളപതി വിജയ് നായകനായ ബിഗിൽ ചരിത്ര വിജയമായിരുന്നു നേടിയത്‌. ആ ചിത്രത്തിലെ ഓരോ കഥാപാത്രങ്ങളും അവതരിപ്പിച്ച അഭിനേതാക്കൾ വളരെയധികം അഭിനന്ദനം ഏറ്റുവാങ്ങിയിരുന്നു. രായപ്പൻ, മൈക്കൽ എന്നീ കഥാപാത്രങ്ങൾ അവതരിപ്പിച്ച വിജയ് കയ്യടി നേടുന്നതിന് ഒപ്പം തന്നെ കയ്യടി നേടുന്നു ഇതിലെ മറ്റു നടീനടന്മാരും.

എടുത്തു പറയേണ്ടത് ഇതിലെ വനിതാ ഫുട്‌ബോൾ താരങ്ങൾ ആയെത്തിയ നടിമാരുടെ പ്രകടനമാണ്. ശരീരവും മനസ്സും പൂർണ്ണമായും നൽകിയാണ് അവർ ആ കഥാപാത്രങ്ങൾക്ക് ജീവൻ നൽകിയത്. വനിതാ ഫുട്‌ബോൾ ടീം കോച്ച് ആയാണ് വിജയ് ഈ ചിത്രത്തിൽ അഭിനയിക്കുന്നത്. ഈ ചിത്രത്തിലെ ഒരു ഫുട്‌ബോൾ താരത്തെ അവതരിപ്പിച്ച നടിയാണ് ഇന്ദ്രജ ശങ്കർ.

Advertisements

പാണ്ടിയമ്മ എന്ന് പേരുള്ള ആ കഥാപാത്രം അമിത വണ്ണം മൂലം ബുദ്ധിമുട്ടുന്ന ഒരു കഥാപാത്രം ആണ്. ചിത്രത്തിൽ ഈ കഥാപാത്രത്തോട് ദേഷ്യപ്പെടുന്ന സമയത്തു വിജയ് കഥാപാത്രം അവരെ ഗുണ്ടമ്മ എന്ന് കളിയാക്കി വിളിക്കുന്നുണ്ട്. എന്നാൽ അങ്ങനെ വിളിക്കുന്നതിന് മുൻപ് തന്നോട് വന്നു ക്ഷമ പറഞ്ഞിട്ടാണ് വിജയ് അത് ചെയ്തത് എന്ന് പറയുന്നു ഇന്ദ്രജ.

അങ്ങനെ വിളിച്ചാൽ തനിക്കു വിഷമം ആവുമോ എന്ന് ചോദിച്ചു ഉറപ്പു വരുത്തിയതിനു ശേഷമാണ് ദളപതി വിജയ് ആ പേര് വിളിച്ചത് എന്നും ഇന്ദ്രജ പറഞ്ഞു. നേരത്തെ ഒക്കെ അങ്ങനെ ആരെങ്കിലും വിളിക്കുമ്പോ തനിക്കു ദേഷ്യം വരുമായിരുന്നു എന്നും എന്നാൽ ഇപ്പോൾ അങ്ങനെ വിളിക്കുമ്പോൾ സന്തോഷം ആണെന്നും ഈ നടി പറയുന്നു.

ബിഗിൽ കണ്ടീട്ടു എല്ലാവരും നല്ലതു പറയുന്നത് കേൾക്കുമ്പോൾ സന്തോഷം ഉണ്ടെന്നു പറഞ്ഞ ഇന്ദ്രജ, തന്റെ അച്ഛന്റെ കണ്ണിലെ അഭിമാനം കാണുമ്പോൾ ആണ് ഏറെ സന്തോഷം തോന്നുന്നത് എന്നും പറഞ്ഞു. അതുപോലെ ബിഗിൽ സെറ്റിൽ വെച്ച് ജന്മദിനം ആഘോഷിച്ച കാര്യവും നയൻതാര സമ്മാനം നൽകിയതും ഒക്കെ ഓർത്തെടുക്കുന്നു ഈ നടി.

ആറ്റ്‌ലി സംവിധാനം ചെയ്ത ബിഗിൽ സ്ത്രീ ശാക്തീകരണം, ഫെമിനിസം, കായിക ലോകത്തെ രാഷ്ട്രീയം എന്നിവയെല്ലാം ഉൾപ്പെടുത്തിയാണ് കഥ പറഞ്ഞിരിക്കുന്നത്. ഇതിൽ എ ആർ റഹ്മാൻ ഒരുക്കിയ സിംഗ പെണ്ണെ എന്ന ഗാനം ഇപ്പോൾ വമ്പൻ ഹിറ്റാണ്.

Advertisement