ഏഷ്യാനെറ്റിലെ സൂപ്പർറിയാലിറ്റി ഷോ ആയിരുന്ന ഐഡിയ സ്റ്റാർ സിംങറിൽ മൽസരാർത്ഥിയായി എത്തി പിന്നീട് മലയാളികളുടെ പ്രിയ ഗായികയായി മാറിയ താരമാണ് അമൃതാ സുരേഷ്. ആരാധകർക്ക് ഏറെ പ്രിയങ്കരിയായി മാറിയ അമൃതയുടെ സഹോദരി അഭിരാമിയും ഗായികയും മോഡലും നടിയുമാണ്.
ഏഷ്യാനെറ്റിലെ തന്നെ ബിഗ് ബോസ് രണ്ടാം സീസണിൽ അമൃത സുരേഷും അഭിരാമി സുരേഷും ഒന്നിച്ചെത്തിയിരുന്നു. ബിഗ് ബോസിൽ അവസാനം വരെ പിടിച്ചുനിന്ന ശേഷമാണ് ഇരുവരും തിരിച്ചെത്തിയത്. 75ാം എപ്പിസോഡിലാണ് ബിഗ് ബോസ് രണ്ടാം സീസൺ കോവിഡ് സാഹചര്യത്തിൽ നിർത്തിവെക്കേണ്ടി വന്നത്. ബിഗ് ബോസിന് ശേഷം സോഷ്യൽ മീഡിയയിൽ വിശേഷങ്ങൾ പങ്കുവെച്ച് അമൃതയും അഭിരാമിയും എപ്പോഴും എത്താറുണ്ട്.
അമൃതംഗമയ ബാൻഡിലൂടെയും പ്രേക്ഷകരുടെ ഇഷ്ടം നേടിയ ഗായികമാരാണ് ഇരുവരും. ഐഡിയ സ്റ്റാർ സിംഗർ സമയം മുതലാണ് അമൃത സുരേഷ് എല്ലാവർക്കും സുപരിചിതയായത്. പിന്നീട് പിന്നണി ഗായികയായി മലയാള സിനിമയിലും തുടക്കം കുറിച്ചു ഗായിക. നടൻ ബാലയുമായുളള വിവാഹ ശേഷമായിരുന്നു അമൃത വീണ്ടും വാർത്തകളിൽ നിറഞ്ഞത്. പിന്നീട് 2019ൽ ഇരുവരും വിവാഹ മോചിതരായി.
അമൃത സുരേഷിന് പുറമെ പാപ്പു എന്ന് വിളിക്കുന്ന മകൾ അവന്തികയും സോഷ്യൽ മീഡിയയിലെ താരമാണ്. മകളുടെ വിശേഷങ്ങൾ പങ്കുവെച്ച് അമൃത എപ്പോഴും എത്താറുണ്ട്. യൂടൂബ് ചാനലിലാണ് പുതിയ വീഡിയോസുമായി അമൃതയും അഭിരാമിയും എത്താറുളളത്. ഹലോ കുട്ടിച്ചാത്തൻ പരമ്പരയുടെ സമയം മുതൽ അമൃതയുടെ സഹോദരി അഭിരാമി എല്ലാവർക്കും സുപരിചിതയാണ്.
അഭിരാമി പിന്നീട് അവതാരകയായും സിനിമകളിൽ അഭിനയിച്ചും പ്രേക്ഷകർക്ക് മുൻപിൽ എത്തി. വിവാഹ മോചിതയായ അമൃതയ്ക്ക് പിന്തുണയുമായി ഒപ്പം നിന്നത് അഭിരാമിയാണ്. താരസഹോദരിമാരുടെ ഫോട്ടോഷൂട്ട് ചിത്രങ്ങളും എപ്പോഴും വൈറലാകാറുണ്ട്. അതേസമയം അമൃതയെ കുറിച്ചുളള അഭിരാമിയുടെ എറ്റവും പുതിയ പോസ്റ്റാണ് ഇപ്പോൾ സോഷ്യൽ മീഡിയയിൽ വൈറലായി കൊണ്ടിരിക്കുന്നത്.
അമൃതയുടെ പിറന്നാൾ ആഘോഷമാക്കിയ ചിത്രങ്ങൾ പങ്കുവെച്ചാണ് അഭിരാമിയുടെ പുതിയ ഇൻസ്റ്റഗ്രാം പോസ്റ്റ് വന്നത്. കുടുംബാംഗങ്ങൾക്കൊപ്പം അമൃതയുടെ സുഹൃത്തുക്കളും പിറന്നാൾ ആഘോഷത്തിൽ പങ്കെടുക്കാനായി എത്തിയിരുന്നു.
ഒരുപാട് കാലം നീണ്ട സങ്കടങ്ങൾക്കൊടുവിൽ ഞങ്ങൾക്ക് അമൃതയെ പഴയതുപോലെ തിരിച്ചുകിട്ടി എന്നും ആ പുഞ്ചിരി മടങ്ങി എത്തി എന്നുമാണ് ചേച്ചിയുടെ പിറന്നാൾ ചിത്രങ്ങൾ പങ്കുവെച്ച് അഭിരാമി കുറിച്ചത്.
ഒപ്പം ജന്മദിനാഘോഷത്തിൽ പങ്കെടുക്കാൻ എത്തിയ സുഹൃത്തുക്കളെയും കുടുംബാംഗങ്ങളെ കുറിച്ചും അഭിരാമി തന്റെ കുറിപ്പിൽ പറയുന്നുണ്ട്. അമൃതയുടെ ജന്മദിനത്തിൽ അഭിരാമി ഒരുക്കിയ സ്പെഷൽ വീഡിയോയും ആരാധകർ ഇപ്പോൾഏറ്റെടുത്തിരിക്കുകയാണ്.
ചേച്ചിയുടെ രസകരമായ ചിത്രങ്ങളും വീഡിയോ ദൃശ്യങ്ങളും ചേർത്താണ് അഭിരാമി പിറന്നാൾ സമ്മാനമായി വീഡിയോ ഒരുക്കിയത്.
അതേസമയം ഇൻസ്റ്റഗ്രാമിൽ നിരവധി ഫോളോവേഴ്സുളള ഗായികമാരാണ് അമൃതയും അഭിരാമിയും. പാട്ട് വീഡിയോകളുമായും അമൃതയും അഭിരാമിയും എത്താറുണ്ട്. ദുൽഖർ സൽമാൻ ചിത്രം 100 ഡേയ്സ് ഓഫ് ലവിലെ അഭിരാമിയുടെ വേഷം ശ്രദ്ധിക്കപ്പെട്ടിരുന്നു. ഗുലുമാൽ, ബിവെയർ ഓഫ് ഡോഗ്സ്, ക്രോസ് റോഡ് തുടങ്ങിയവയാണ് നടി അഭിനയിച്ച മറ്റ് ചിത്രങ്ങൾ.
പിന്നണി ഗാനരംഗത്ത് സജീവമാണ് അമൃത. എറ്റവുമൊടുവിലായി ജൂൺ, സുല്ല്, സൂഫിയും സുജാതയും തുടങ്ങിയ സിനിമകളിൽ പാടി പ്രേക്ഷകർക്ക് മുൻപിൽ എത്തിയിരുന്നു ഗായിക. കൂടാതെ മ്യൂസിക്ക് വീഡിയോസും നിരവധി ആൽബങ്ങളും അമൃതയുടെയും അഭിരാമിയുടെയും പുറത്തിറങ്ങിയിട്ടുണ്ട്.
