മികച്ച അഭിനേതാവ് അതിലും മികച്ച സംവിധായകന്‍, നിര്‍മ്മാതാവ് എന്നീ നിലകളില്‍ മലയാള സിനിമയില്‍ തിളങ്ങി നില്‍ക്കുന്ന സൂപ്പര്‍ താരമാണ് പൃഥ്വിരാജ് സുകുമാരന്‍. അന്തരിച്ച മുന്‍ സൂപ്പര്‍ നടന്‍ സുകുമാരന്റെ ഇളയ മകന് കൂടിയായ പൃഥിരാജ് തൊടുന്നതെല്ലാം പൊന്നാക്കുന്ന താരമാണ്.
യുവനടന്മാരില്‍ മുന്നില്‍ നില്‍ക്കുന്ന പൃഥ്വിരാജിന് ഇന്ന് ആരാധകരേറെയാണ്. ഇതിനോടകം ഒത്തിരി സിനിമകളില്‍ താരം അഭിനയിച്ചിട്ടുണ്ട്. പലതും സൂപ്പര്‍ഹിറ്റുകളായിരുന്നു. ഇപ്പോഴിതാ താരവുമായി ബന്ധപ്പെട്ട് ആരാധകരെ വിഷമത്തിലാഴ്ത്തുന്ന ഒരു വാര്‍ത്തയാണ് പുറത്തുവരുന്നത്.
സിനിമാചിത്രീകരണത്തിനിടെ താരത്തിന് പരിക്ക് പറ്റിയെന്നാണ് റിപ്പോര്‍ട്ട്. വിലായത്ത് ബുദ്ധ എന്ന സിനിമയുടെ ചിത്രീകരണത്തിനിടെ ഇടുക്കി ജില്ലയിലെ മറയൂരില്‍ വെച്ചാണ് താരത്തിന് പരിക്ക് പറ്റിയത്.
പൃഥ്വിരാജിന്റെ കാലിനാണ് പരിക്ക് പറ്റിയത്. താരത്തെ കൊച്ചിയിലെ ഒരു സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണിപ്പോള്‍. ഇന്ന് ശസ്ത്രക്രിയയ്ക്ക് വിധേയനാക്കുമെന്നാണ് വിവരം.
സിനിമയുടെ അവസാനഘട്ട ചിത്രീകരണം പുരോഗമിച്ചുകൊണ്ടിരിക്കുകയാണ്. ഹൈറേഞ്ചിലും കാട്ടിലുമൊക്കെയായാണ് സിനിമയുടെ ആക്ഷന്‍ സ്വീക്വന്‍സുകള്‍. ചിത്രം ഈ വര്‍ഷം അവസാനത്തോടെ തിയ്യേറ്ററുകളിലെത്തും.
