ആരാധകരേറെയുള്ള സിനിമാതാരമാണ് കുഞ്ചാക്കോ ബോബന്‍. ചാക്കോച്ചന്‍ എന്ന് ആരാധകര്‍ ഇഷ്ടത്തോടെ വിളിക്കുന്ന നടന്‍ ഇതിനോടകം ഒത്തിരി ഹിറ്റ് സിനിമകളാണ് സമ്മാനിച്ചത്. അനിയത്തി പ്രാവ് എന്ന ചിത്രത്തിലൂടെയായിരുന്നു താരത്തിന്റേ അരങ്ങേറ്റം.
പിന്നീട് നിരവധി ചിത്രങ്ങളില്‍ കുഞ്ചാക്കോ ബോബന്‍ നായകനായി തിളങ്ങി. മഴവില്ല് എന്ന ചിത്രത്തില്‍ നായകനായി എത്തിയത് കുഞ്ചാക്കോ ബോബനായിരുന്നു. സിനിമയില്‍ തിളങ്ങി നില്‍ക്കുന്ന സമയത്തായിരുന്നു താരം ഈ ചിത്രത്തില്‍ അഭിനയിച്ചത്.
എന്നാല്‍ ചിത്രം പരാജയമായിരുന്നു. ബോക്‌സ് ഓഫീസില്‍ വിജയം കണ്ടിരുന്നില്ല. ഇപ്പോഴിതാ മഴവില്ല് എന്ന ചിത്രത്തിന്റെ പരാജയത്തിനുള്ള കാരണം തുറന്നുപറയുകയാണ് നടന്‍ വിനീത്. വിനീതും ചിത്രത്തില്‍ വില്ലന്‍ കഥാപാത്രത്തെ അവതരിപ്പിച്ചിരുന്നു.
സിനിമ ബോക് ഓഫീസില്‍ ഹിറ്റാവാതിരുന്നതിന് കാരണം ആ ചിത്രത്തിലെ കുഞ്ചാക്കോ ബോബന്റെ കഥാപാത്രത്തിന്റെ മരണമായിരുന്നുവെന്ന് വിനീത് പറയുന്നു. കുഞ്ചാക്കോ ബോബന്റെ കഥാപാത്രം മരിക്കുന്നത് സിനിമയുടെ പരാജയത്തിന് കാരണമായി എന്ന് വിനീത് തുറന്നുപറഞ്ഞു.
സിനിമയ്ക്ക് അംഗീകാരങ്ങളും അഭിനന്ദനങ്ങളും ലഭിച്ചിരുന്നു. എന്നാല്‍ സിനിമ പരാജയപ്പെട്ടു. ഹീറോയായി തിളങ്ങി പെണ്‍കുട്ടികളുടെ മനസ്സിലെല്ലാം ഇടംനേടിയിരിക്കുമ്പോഴായിരുന്നു ചാക്കോച്ചന്‍ ആ സിനിമയില്‍ അഭിനയിച്ചതെന്നും വിനീത് കൂട്ടിച്ചേര്‍ത്തു.
