ശ്യാമപ്രസാദ് സംവിധാനം ചെയ്ത ഋതു എന്ന ചിത്രത്തിലൂടെ മലയാളത്തില്‍ അരങ്ങേറ്റം നടത്തിയ നടനാണ് ആസിഫ് അലി. പിന്നീട് അങ്ങോട്ട് താരത്തിന് തിരിഞ്ഞ് നോക്കേണ്ടി വന്നിട്ടില്ല. സിനിമാ പാരമ്പര്യം ഒന്നുമില്ലാത്ത സ്ഥലത്ത് നിന്നാണ് ആസിഫ് വളര്‍ന്ന് വന്നത് എന്നതാണ് അതിശയകരമായ കാര്യം.
മലയാളികള്‍ക്കിടയില്‍ ആസിഫിനെ ആരാധിക്കുന്നവര്‍ ഏറെയാണ്. താരം സോഷ്യല്‍ മീഡിയയില്‍ പോസ്്റ്റ് ചെയ്യുന്നതെല്ലാം നിമിഷ നേരം കൊണ്ടാണ് വൈറലാകാറുള്ളത്. വില്ലന്‍ വേഷത്തിലാണ് ആസിഫ് ആദ്യം സിനിമയില്‍ പ്രത്യക്ഷപ്പെട്ടത്.
പക്ഷെ പതിയെ പതിയെ നായക വേഷങ്ങളിലേക്ക് താരം ചേക്കേറാന്‍ തുടങ്ങി. ആസിഫിന്റേതായി ഏകദേശം അറുപതോളം ചിത്രങ്ങളാണ് ഇതുവരെ പുറത്തിറങ്ങിയിട്ടുള്ളത്. അതില്‍ നായകവേഷം മുതല്‍ സഹനടന്‍ വേഷങ്ങളില്‍ വരെ താരം തിളങ്ങിയിട്ടുണ്ട്.
ഇപ്പോഴിതാ മലയാള സിനിമയിലെ പ്രിയനടന്‍ സുരേഷ് ഗോപിയെ ആദ്യമായി നേരില്‍ കണ്ടപ്പോഴുള്ള അനുഭവം തുറന്നുപറയുകയാണ് ആസിഫ് അലി. താന്‍ ആദ്യമായി അദ്ദേഹത്തെ കാണുമ്പോള്‍ അദ്ദേഹം റോഡിലെ സിഗ്നല്‍ തെറ്റിച്ച് വന്നയാളെ തെറിവിളിക്കുകയായിരുന്നുവെന്ന് ആസിഫ് അലി പറയുന്നു.
അത് കണ്ട് ആദ്യം താന്‍ വിചാരിച്ചത് അത് വല്ല ഷൂട്ടിങ്ങും ആയിരിക്കുമെന്നാണ്. ഇടപ്പള്ളി സിഗ്നലില്‍ വെച്ചായിരുന്നു സംഭവം. സിഗ്നല്‍ തെറ്റിച്ചയാളെ പച്ചത്തെറിയായിരുന്നു സുരേഷേട്ടന്‍ വിളിച്ചതെന്നും തനിക്ക് ഭയങ്കര ഇന്‍സ്‌പെയറിങ് ആയിട്ടുള്ള മൊമന്റായിരുന്നു അതെന്നും ആസിഫ് അലി പറയുന്നു.
