മലയാളത്തിന്റെ സൂപ്പര്‍താരവും ബിജെപിയുടെ അതിശക്തനായ നേതാവുമാണ് സുരേഷ് ഗോപി. സിനിമകളില്‍ പൊലീസ് വേഷങ്ങള്‍ ചെയ്ത് പ്രേക്ഷകരെ ഏറെ അമ്പരിപ്പിച്ച നടന്‍ കൂടിയാണ് അദ്ദേഹം.
അടുത്തിടെയായിരുന്നു താരത്തിന്റെ മകള്‍ ഭാഗ്യയുടെ എന്‍ഗേജ്മെന്റ് കഴിഞ്ഞത്. ബിസിനസ്സുകാരനായ ശ്രേയസ് മോഹനാണ് വരന്‍. ഭാഗ്യയുടെ വിവാഹനിശ്ചയ ചിത്രങ്ങളെല്ലാം സോഷ്യല്‍മീഡിയയില്‍ വൈറലായിരുന്നു.
മാവേലിക്കര സ്വദേശികളായ മോഹന്റെയും ശ്രീദേവിയുടെയും മകനാണ് ശ്രേയസ്. ഏതാനും ദിവസങ്ങള്‍ക്ക് മുമ്പ് സുരേഷ് ഗോപിയും ഭാര്യയും മകള്‍ ഭാഗ്യയും പ്രധാനമന്ത്രിയെ വിവാഹം ക്ഷണിക്കാന്‍ പോയിരുന്നു. ഇതിന്റെ ചിത്രങ്ങളും സോഷ്യല്‍മീഡിയയില്‍ വൈറലായിരുന്നു.
താമര രൂപത്തിലുള്ള ഒരു ആറന്മുള കണ്ണാടിയും സുരേഷ് ഗോപി മകളുടെ വിവാഹക്ഷണക്കത്തിനൊപ്പം പ്രധാനമന്ത്രിക്ക് സമ്മാനമായി നല്‍കിയിരുന്നു. ഗുരുവായൂരില്‍ വെച്ചാണ് ഭാഗ്യയുടെ വിവാഹം നടക്കുക എന്നാണ് റിപ്പോര്‍ട്ടുകള്‍.
ഇപ്പോഴിതാ സുരേഷ് ഗോപിയുടെ മരുമകനെ കുറിച്ച് ആരാധകര്‍ക്കിടയിലും സംസാരമുയരുകയാണ്. മരുമകന്‍ അത്ര നിസ്സാരക്കാരനായിരിക്കില്ലെന്നും വെറും ഒരു ബിനസ്സുകാരന്റെ കൂടെ മകളെ സുരേഷേട്ടന്‍ പറഞ്ഞുവിടുമോ എന്നുമൊക്കെയാണ് സോഷ്യല്‍മീഡിയയിലെ ചര്‍ച്ച.
