മലയാളികള്‍ വളരെ ചുരുങ്ങിയ കാലം കൊണ്ട് പ്രിയപ്പെട്ടവനായി മാറിയ താരമാണ് കലാഭവന്‍ ഷാജോണ്‍. ചെറിയ വേഷങ്ങളില്‍ മുന്‍പ് പല സിനിമകളിലും പ്രത്യക്ഷപ്പെട്ടിരുന്ന താരം പിന്നീട് ദൃശ്യത്തിലെ ക്രൂ രനായ പോലീസുകാരനിലൂടെയാണ് മലയാളികളുടെ പ്രിയപ്പെട്ട താരമായി വളര്‍ന്നത്.
പിന്നീട് താരം നിരവധി സിനിമകളിലാണ് അഭിനയ പ്രാധാന്യമുള്ള വേഷങ്ങള്‍ ചെയ്തത്. സിദ്ദീഖ് സംവിധാനം ചെയ്ത ലേഡീസ് ആന്‍ഡ് ജെന്റില്‍മാന്‍ എന്ന സിനിമയില്‍ മോഹന്‍ലാലിനൊപ്പം അഭിനയിച്ചപ്പോഴുള്ള തന്റെ അനുഭവങ്ങള്‍ പങ്കുവെക്കുകയാണ് ഷാജോണ്‍ ഇപ്പോള്‍.
ചിത്രത്തില്‍ മോഹന്ലാലിന്റെ സുഹൃത്തും ഡ്രൈവറുമൊക്കെയായിരുന്നു ഷാജോണ്‍. ഒരു സീനില്‍ മോഹന്‍ലാലിന് ഡയലോഗ് ഉണ്ടായിരുന്നില്ല. താന്‍ മിമിക്രി ചെയ്തിരുന്നത് കൊണ്ട് ഡയലോഗുകള്‍ എല്ലാം കാണാതെ പഠിക്കാന്‍ പറ്റുമായിരുന്നുവെന്ന് ഷാജോണ്‍ പറയുന്നു.
അങ്ങനെ ഡയലോഗെല്ലാം കാണാതെ പഠിച്ച് റിഹേസല്‍ സമയത്ത് പറഞ്ഞു. താന്‍ കരുതിയത് ഇത് കണ്ട് മോഹന്‍ലാല്‍ വന്ന് തന്നെ അഭിനന്ദിക്കുമെന്നായിരുന്നുവെന്നും എന്നാല്‍ അങ്ങനെയായിരുന്നില്ല സംഭവിച്ചതെന്നും ഷാജോണ്‍ പറയുന്നു.
ഡയലോഗുകളെല്ലാം കാണാതെ പഠിച്ച് പറഞ്ഞ് കഴിഞ്ഞ് മോഹന്‍ലാലിനെ നോക്കിയപ്പോള്‍ എല്ലാം നീ കണാതെ പഠിച്ചു ഇനി നീ അഭിനയിക്ക് എന്നായിരുന്നു മോഹന്‍ലാല്‍ പറഞ്ഞതെന്നും അഭിനയത്തിന്റെ എല്ലാ കാര്യങ്ങളും അന്ന് തനിക്ക് വിശദീകരിച്ച് തന്നുവെന്നും ഷാജോണ്‍ പറഞ്ഞു.
