മലയാളി സിനിമാപ്രേമികള്‍ ഒത്തിരി ആകാംഷയോടെ കാത്തിരിക്കുന്ന ചിത്രങ്ങളില്‍ ഒന്നാണ് കാപ്പ. മലയാളത്തിലെ സൂപ്പര്‍സ്റ്റാര്‍ പൃഥ്വിരാജിനെ നായകനാക്കി ഷാജി കൈലാസാണ് ചിത്രം സംവിധാനം ചെയ്യുന്നത്.
ഇപ്പോഴിതാ കാപ്പയുടെ ട്രെയിലര്‍ പുറത്തിറക്കിയിരിക്കുകയാണ് ചിത്രത്തിന്റെ അണിയറ പ്രവര്‍ത്തകര്‍. രണ്ടര മിനിറ്റ് ദൈര്‍ഘ്യമുള്ള വീഡിയോയാണ് ഇപ്പോള്‍ പുറത്തുവന്നിരിക്കുന്നത്. മികച്ച പ്രതികരണമാണ് ഇതിന് ലഭിച്ചുകൊണ്ടിരിക്കുന്നത്.
Also Read: ‘ബാബ’ റീമാസ്റ്റേര്‍ട് വേര്‍ഷന്‍ പുറത്ത്, ഇത് രജനികാന്തിനുള്ള പിറന്നാള്‍ സമ്മാനം, വൈറലായി ട്രെയിലര്‍
അപര്‍ണ ബാലമുരളിയാണ് ചിത്രത്തില്‍ പൃഥ്വിരാജിന്റെ നായകിയായി എത്തുന്നത്. കൂടാതെ ചിത്രത്തില്‍ പൃഥ്വിരാജിനെ കൂടാതെ നടന്‍ ആസിഫ് അലിയും മറ്റൊരു പ്രധാന കഥാപാത്രത്തെ അവതരിപ്പിക്കുന്നുണ്ട്.
കടുവ എന്ന ഹിറ്റ് ചിത്രത്തിന് ശേഷം ഷാജി കൈലാസും പൃഥ്വിരാജും ഒന്നിക്കുന്ന ചിത്രം കൂടിയാണിത്. കൊട്ട മധു എന്ന കഥാപാത്രത്തെ ആണ് പൃഥ്വിരാജ് അവതരിപ്പിക്കുന്നത്. ചിത്രത്തിലെ പൃഥ്വിരാജിന്റെ ലുക്ക് ഇതിനോടകം ശ്രദ്ധനേടിയിട്ടുണ്ട്.
ചിത്രത്തില്‍ നടി അന്ന ബെന്‍, ദിലീഷ് പോത്തന്‍, നന്ദു, ജഗദീഷ് എന്നിവരും എത്തുന്നുണ്ട്. ജോമോന്‍ ജോണാണ് ചിത്രത്തിന്റെ ഛായാഗ്രഹണം. തിയറ്റര്‍ ഓഫ് ഡ്രീംസ്, സരിഗമ ഇന്ത്യ പ്രൈവറ്റ് ലിമിറ്റഡ് എന്നീ ബാനറുകള്‍ ഫെഫ്ക റൈറ്റേഴ്‌സ് യൂണിയന്റെ സഹകരണത്തിലാണ് ചിത്രം നിര്‍മ്മിക്കുന്നത്.
