തമിഴ് നടന്‍ വിജയകുമാറിന്റെയും ആദ്യകാല നടി മഞ്ജുളയുടെ മകളാണ് പ്രീതി വിജയകുമാര്‍. തമിഴിലും മലയാളത്തിലുമായി നിരവധി ചിത്രങ്ങളില്‍ അഭിനയിച്ചിട്ടുണ്ട് പ്രീതി . സംവിധായകന്‍ ഹരിയുടെ ഭാര്യ കൂടിയാണ് പ്രീതി. സോഷ്യല്‍ മീഡിയയില്‍ സജീവമാണ് ഈ താര കുടുംബം.
ഇപ്പോഴിതാ തന്റെ 21 വര്‍ഷത്തെ ദാമ്പത്യ ജീവിതത്തെ കുറിച്ച് സംസാരിക്കുകയാണ് പ്രീത. തങ്ങള്‍ ഒരു കണക്കുകൂട്ടലുകളും ഇല്ലാതെയാണ് ജീവിതം ആരംഭിച്ചതെന്നും എന്നാല്‍ ദൈവകൃപകൊണ്ട് തങ്ങള്‍ക്ക് തിരിഞ്ഞ് നോക്കേണ്ടി വന്നിട്ടില്ലെന്നും പ്രീത പറയുന്നു.
തങ്ങളുടേത് വളരെ സന്തോഷമുള്ള കുടുംബജീവിതമാണ്. കല്യാണം കഴിഞ്ഞിട്ട് 21 വര്‍ഷങ്ങളായി എന്നും അന്ന് ഉള്ളതുപോലെ തന്നെയാണ് ഇന്നും തങ്ങളുടെ ജീവിതമെന്നും ഹരി സാറും അന്നുള്ളത് പോലെ തന്നെയാണ് ഒരു മാറ്റവുമില്ലെന്നും പ്രീത പറയുന്നു.
അന്ന് തന്ന സ്‌നേഹവും പരിഗണനയുമൊക്കെ അദ്ദേഹം ഇന്നും തനിക്ക് തരുന്നുണ്ട്. താന്‍ ഡാഡി എന്നാണ് അദ്ദേഹത്തെ വിളിക്കുന്നതെന്നും താന്‍ വളരെ ചെറിയ പ്രായത്തിലാണ് സിനിമയിലേക്ക് വരുന്നതെന്നും സൂര്യയുടെ കൂടെയാണ് അഭിനയിച്ചതെന്നും പ്രീത പറഞ്ഞു.
അന്ന് തനിക്ക് 14 15 വയസ്സുമാത്രമായിരുന്നു പ്രായം. ഒരു പാഷന്‍ തോന്നിയിട്ടാണ് സിനിമയില്‍ അഭിനയിക്കാന്‍ വന്നതെന്നും ജോളിയായി സിനിമ ചെയ്തുവെന്നും ഇന്ന് ആ സിനിമ കാണുമ്പോള്‍ തനിക്ക് ഒരു കോമഡിയായിട്ടാണ് തോന്നുന്നതെന്നും പ്രീത പറയുന്നു.
