മലയാളികളുടെ പ്രിയപ്പെട്ട നടനാണ് മുകേഷ്. സിനിമാ ലോകത്ത് സഹനടനായും നായകനായും സഹതാരമായും എല്ലാം തിളങ്ങിയ താരമാണ് മുകേഷ്. കലാ കുടുംബത്തില്‍ നിന്നെത്തിയ താരത്തിന് ഏത് വേഷവും മനോഹരമായി ചെയ്യാനുള്ള കഴിവുണ്ട്.
എംഎല്‍എ കൂടിയായ താരം രാഷ്ട്രീയത്തിലും സജീവമാണിന്ന്. ടെലിവിഷന്‍ ഷോകളിലും മുകേഷിന്റെ ശ്രദ്ധേയ സാന്നിധ്യമുണ്ട്. കൂടാതെ സോഷ്യല്‍മീഡിയയിലും സജീവമായ മുകേഷിന് സ്വന്തമായി ഒരു യൂട്യൂബ് ചാനലും ഇന്നുണ്ട്.
ഡിസംബര്‍ ഒന്നിന് ഇറങ്ങിയ ഫിലിപ്സ് എന്ന ചിത്രത്തിലൂടെ തന്റെ കരിയറിലെ മുന്നൂറാമത്തെ സിനിമയും മുകേഷ് പൂര്‍ത്തിയാക്കിയിരിക്കുകയാണ്. താരത്തിന്റെ സിനിമകളിലെ മിക്ക ഡയലോഗുകളും ശ്രദ്ധിക്കപ്പെട്ടിരുന്നു.
അത്തരത്തില്‍ ശ്രദ്ധനേടിയ ധീം തരികിട തോം എന്ന ചിത്രത്തിലെ ഒത്തില്ല എന്ന ഡയലോഗിനെ കുറിച്ച് സംസാരിക്കുകയാണ് താരം ഇപ്പോള്‍. ആ ഡയലോഗ് സീനിയര്‍ നടന്മാര്‍ക്ക് കൊടുക്കരുതെന്ന് താന്‍ പ്രിയദര്‍ശനോട് പറഞ്ഞിരുന്നുവെന്ന് മുകേഷ് പറയുന്നു.
നമുക്ക് ഒരു ഡയലോഗ് തരുന്നതിന് മുമ്പ് പ്രിയന്‍ പറയും അത് പറയാന്‍ രണ്ട് തവണയേ അവസരം തരുള്ളൂ തെറ്റിച്ച് കഴിഞ്ഞാല്‍ വേറെ ആള്‍ക്ക് കൊടുക്കുമെന്ന് . കിട്ടുന്ന ഒരു ഡയലോഗും പോകരുതെന്നേ അപ്പോള്‍ എല്ലാവരും ശ്രദ്ധിക്കുകയുള്ളൂവെന്നും മുകേഷ് പറയുന്നു.
