അടുത്തിടെ ബിഗ് ബോസില്‍ അതിഥിയായി എത്തിയ ഡോക്ടര്‍ റോബിന് രാധാകൃഷ്ണനെ പരിപാടിയില്‍ നിന്നും പുറത്താക്കിയ സംഭവം സോഷ്യല്‍മീഡിയയില്‍ ഉള്‍പ്പെടെ വലിയ വാര്‍ത്തയായിരുന്നു.
ഇപ്പോഴിതാ റോബിനെതിരെ പ്രതികരിച്ച് രംഗത്തെത്തിയിരിക്കുകയാണ്ബിഗ് ബോസ് സീസണ്‍ നാലിലെ മത്സരാര്‍ത്ഥിയും സീരിയല്‍ താരവുമായ അനൂപ് കൃഷ്ണന്‍. ബിഗ് ബോസില്‍ കയറാന്‍ സഹായിക്കണമെന്ന് അഭ്യര്‍ത്ഥിച്ച് തനിക്ക് രണ്ട് വര്‍ഷം ഇങ്ങോട്ട് മെസ്സേജ് അയച്ച ആളാണ് റോബിന് എന്ന് അനൂപ് പറയുന്നു.
ഇപ്പോള്‍ ബിഗ് ബോസ് ഒരു ഉടായിപ്പ് പരിപാടിയാണെന്നാണ് റോബിന് പറയുന്നത്. അതൊരു ഉടായിപ്പ് പരിപാടിയാണെങ്കില്‍ എന്തിനുവേണ്ടിയായിരുന്നു ഇതിന് വേണ്ടി ഇറങ്ങിത്തിരിച്ചതെന്നും ബിഗ് ബോസില്‍ കയറാന്‍ സഹായിക്കണമെന്നും ഫേമസാവണമെന്നുമൊക്കെ തന്നോട് റോബിന് അഭ്യര്‍ത്ഥിച്ചതിന് തെളിവുണ്ടെന്നും അനൂപ് കൂട്ടിച്ചേര്‍ത്തു.
തന്നെ മാത്രമല്ല, റോബിന് വേറെ പലരെയും ഈ ആവശ്യവുമായി സമീപിച്ചിരുന്നു. ഇന്ന് റോബിന് കേരളം മുഴുവന്‍ ആരാധകരുള്ള ബിഗ് ബോസ് താരമായി വളര്‍ന്നുവെന്നും ബിഗ് ബോസില്‍ കയറുന്നതിന് മുമ്പേ തന്നെ താനടക്കം സഹായിച്ച എല്ലാ വ്യക്തികളെയും ഇയാള്‍ അണ്‍ഫോളോ ചെയ്തിരുന്നുവെന്നും അനൂപ് പറഞ്ഞു.
റോബിന് കിട്ടിയ വേദിയോ അവസരങ്ങളോ ജന്മനാ കിട്ടിയതെല്ലെന്നും ഒരുപാട് പേര്‍ ഒത്തിരി ആഗ്രഹിക്കുന്നതാണെന്നും അതെല്ലാം നല്ല രീതിയില്‍ ബുദ്ധിപരമായി വേണം വിനിയോഗിക്കാനെന്നും നാവാണ് വലിയ ശത്രുവെന്നും അനൂപ് റോബിനോട് പറയുന്നു.
